Find happiness Gujarati story-What else we want for live?

ઔર જીને કો ક્યાં ચાહિયે ?.

📖 સમય કાઢીને વાંચજો...

એક ભાઈ બગીચાના બાંકડે બેઠા હતા. તેમની પાસે એક બેગ હતી. મુલ્લા નસીરુદ્દીન બગીચામાં ફરતા-ફરતા એમની પાસે આવીને બોલ્યા, -‘તમે બહારના માણસ લાગો છો. તમને ક્યારેય જોયા નથી’.

તે ભાઈ બોલ્યા, ‘હા, હું દૂરના શહેરમાં રહું છું. મારી પાસે બધું છે. પૈસો છે, બંગલો છે, પ્રેમાળ પરિવાર છે, છતાં જીવનમાં મને રસ નથી રહ્યો. એટલે થોડા દિવસની રજા પાડીને ‘મજા પડે એવું કંઈક’ શોધવા નીકળ્યો છું. હું સુખ ને શોધી રહ્યો છું.

મુલ્લા કંઈ બોલવાને બદલે, એ ભાઈની બેગ આંચકીને ભાગ્યા. પેલો માણસ પણ પાછળ દોડયો . મુલ્લા દોડવામાં પાક્કા, એટલે ખુબજ દૂર  નીકળી ગયા. પેલો માણસ હાંફતો હાંફતો એમની પાછળ દોડતો રહ્યો. બે કિલોમીટર દોડયા ત્યારબાદ મુલ્લા રસ્તાને કિનારે એક બાંકડા પર બેસી ગયા.

થોડી વાર પછી પેલો માણસ હાંફતો-હાંફતો પહોંચ્યો. તેણે તરાપ મારીને પોતાની પેલી બેગ લઈ લીધી. બેગ મળી ગયાનો આનંદ એના ચહેરા પર દેખાવા લાગ્યો, એની બીજી જ પળે એણે ગુસ્સાથી મુલ્લાને કહ્યું, ‘મારી બેગ લઈને કેમ ભાગ્યા?’ 

મુલ્લા: ‘કેમ વળી? તમે તો સુખ શોધવા નીકળ્યા છો ને, પેલા ભાઈએ કહયુ: હા તો? 

મુલ્લા:તો શું?, બોલો હવે બેગ પાછી મળી જતાં તમને સુખની લાગણી થઈ કે નહીં ? મેં તો તમને સુખ શોધવામાં મદદ કરી.’

આપણામાંના મોટા ભાગના લોકો પણ થોડા અંશે પેલા માણસ જેવા જ છીએ. જે કંઈ આપણી પાસે છે, એમાંથી સુખ નથી મળતું. પણ પછી જયારે એ ખોવાઈ જાય કે આપણા થી દૂર થાય ત્યારબાદ પાછું મળે ત્યારે આપણને સારું લાગે છે.

આવું શા માટે?

એટલે, હવે પછી જ્યારે આપણો  મૂડ સારો ન હોય ત્યારે ઘરમાંની બધી વસ્તુઓને શાંતિથી નીરખવી અને પછી વિચારવું કે આ વસ્તુ જો મારી પાસે ન હોય તો કેટલી તકલીફ પડે?

કડકડતી ઠંડીમાં એક અત્યંત ગરીબ માતા પોતાનાં બાળકોના શરીર પર છાપાં પાથરી એના પર ઘાસ ‘ઓઢાડી’ને સૂવડાવી રહી હતી, ત્યારે એના ટેણિયા દીકરાએ ભાઈને પૂછ્યું, ‘હેં ભાઈ? જે લોકો પાસે છાપાં અને ઘાસ નહીં હોય એમની કેવી ખરાબ હાલત થતી હશે?’

આપણા ઘરમાં ઘાસ અને છાપાં કરતાંય ઘણી સારી વસ્તુઓ આપણી પાસે  હોય છે, એટલે હવે ક્યારેક ‘હું સુખી નથી’... ‘મારી પાસે આ નથી’... ‘મારી પાસે તે નથી’... એવું લાગે ત્યારે એક નજર જે કંઈ આપણી પાસે છે તેના પર નાખી જોવી.

જેમ કે, આવો સરસ મજાનો લેખ તમે ઓનલાઇન વાંચી રહ્યા છો, તેના પરથી આટલી બાબત સાબિત થાય છે.  

•  તમે ગરીબ નથી. (સમગ્ર વિશ્વમાં આશરે 112 કરોડ લોકો ગરીબી રેખા નીચે જીવે છે.)

• તમારી જાતને ઠંડી, ગરમી અને વરસાદ સામે રક્ષણ આપવા આશરો છે જે વિશ્વમાં લગભગ 130 કરોડ લોકો પાસે નથી.

• તમે શાંતિથી બેસીને વાંચી શકો છો, તેનો મતલબ કે  એ તમે અત્યંત બીમાર નથી. (દુનિયામાં કોઈ પણ સમયે આશરે 120 કરોડ લોકો બીમાર હોય છે).

• તમારી પાસે આટલો સારો મોબાઇલ છે જે દુનિયાના 198 કરોડ લોકો પાસે નથી.

• તમને પીવાનું પાણી ઘેર બેઠા મળી રહેતું હશે, જે વિશ્વમાં આશરે 180 કરોડ લોકોને મળતું નથી.

• તમારા ઘેર વીજળી હશે, (મોબાઇલ ચાર્જિંગ તો જ થતુ હોય ને) જે જગતના 18 કરોડ ઘરમાં નથી.

• તમે મોજથી જીવવા વાળા વ્યક્તિ છો, એટલે જ તો મોજ થી સુતા છો... અને જો બેઠા હશો તો પગ ઉપર પગ ચડાવીને બેઠા હશો. આવી નિરાંત દુનિયાના અનેક કરોડોપતિ પાસે પણ નથી.

• આજ સવારે તમે જાગ્યા ત્યારે વિશ્વના 88,400 લોકો પોતાની ઊંઘમાં જ મૃત્યુ પામ્યા. આવુ દરરોજ બને છે.

• તમે આ બધું વાંચી શક્યા. મતલબ કે તમને લખતા વાંચતા આવડે છે માટે તમે આ વિશ્વના 140 કરોડ નિરક્ષર લોકો કરતા નસીબદાર છો જેઓને વાંચતા આવડતું નથી. 

ઔર જીને કો ક્યાં ચાહિયે ?...

આટલો મસ્ત લેખ તમે અત્યારે વાંચી રહ્યા છો, તો પછી છોડો ફરિયાદો, અને આભાર માનો ઈશ્વરનો, નસીબનો, પુરુષાર્થનો, કે જીવન મસ્ત છે. સવારે ઊઠીને આપણો પ્રથમ શબ્દ કયો હોવો જોઈએ ખબર છે? 

''Thank you, God''...

તમે તો સુખી થઈ ગયા હવે આ સુખને બીજા સાથે વહેંચો…શેર કરો…

😁હંમેશા ખુશ રહો...😁